كلام وبس

"يا شباب انا مش بدخل حد بعدي

المواعيد لازم تحترم
ومعاد المحاضرة الساعة 9 الساعة 9ونص مش هادخل حد"

ونقعد نستنى ونرغي ونقرا وناكل ونشرب

والساعة تيجي تسعة ونص والدكتور نفسه لسه مجاش

"طيب انا هاروح اجيب نسكافيه"

وارجع الاقي الدكتور لسه مجاش

"طيب بصوا بقى انا هاروح اتمشى اما يجي رنولي"

وابص في الموبايل الساعة 10 ومحدش رن

وبعد نص ساعة الاقي مسد كول

اجري على قاعة المحاضرات

"لا اسف مش بدخل حد بعدي

كنتي فين يا هانم مش في

مواعيد لازم تحترم"

" يا دكتور"

"ابقي تعالي بعد كدا في معادك"

ويشير بيده

اطلعي برة يا بت

دكتور اخر

معاد المحاضرة 3 جيه الساعة 5 والناس كانت مشيت اصلا

هاتوا الغياب

يا دكتور الناس روحت

يعني ايه روحت مش عندكو محاضرة

ايوة المعاد الساعة 3 افتكرنا حضرتك مش جاي

لالالا انا معادي من 3ل6 يعني تستنوني من 3ل6

ولو دخلت خمسة ونص بردو هاخد الغياب

والمحاضرة اللي بعدها واحدة تتاخر شوية

والله على حسب لو بنت امورة كدا وروشة

طيب يا بنتي ادخلي بس المرة الجاية تعالي في معادك

لو بنت مش اوي اطلعي برة مش في مواعيد لازم نحترمها

ويسألوا الجيل ضايع ليه

عجبي

يـا عــم الدكــتور...حلمك علينا

صباح الطرقعة والتهييس

الصراحة انا قررت اعمل البلوج دي بعد محاضرة

د/مش هاقول اسمه هوا انا هبلة (:

ليه بقى؟؟ اقولكم اصل الدكتور قال كلمة اول المحاضرة وعمال يتكلم عنها

وانا مش فاهمة الكلمة دي

الكلمة هيا"ببلوجرافي"والعياز بالله

المهم ارفع ايدي يا دكتور مش فاهمة

يشاورلي يقولي لالالالا

طب يا عم اسمعني الاول وبعدين اعترض

لالالالا

المهم بقى اني قررت اني اكتب يوميات طالبة جامعية هييست بس بفعل فاعل والله

والفاعل الدكتور اللي مش عاوز يدينا المايك ابدا

ولو ادهولنا بيسد ودانه

ما تسيب المايك بقى